COHSEM Result 2011 tu nitaklam in puangkhiak hita

Lamka 29 May: Council of Higher Secondary Education Manipur (CoHSEM) nuai a Class XII result tunitak lam dak6:00 lak vel in puankhiak in oma, Manipur pumpi ah pass percentage 56.66 % pha zou hi. Arts candidate 3623 lak ah 2334 lohching ua, 64.26% tungzou hi. Science candidate 10091 lak ah mi 5432 in lohchinna ngahin pass parcentage 53.83% tung zou hi. Huaibanah, Commerce candidates 481 lak ah 271 lohching ua, Vocational Education a candidate 63 lak ah 47 in lohchinna ngah uhi.

Churachandpur District sung a College omte percentage te ahih leh, Children Training H/S 62%, Sielmat Christian College 41.58%, Rayburn College 38.33%, V.K.Tawna College34%, Ebenezer Academy 27.6%, Bethany College 25% , CCpur Govt. College 18.21% leh Lamka College 7.69% ahi uhi. Churachandpur District sung a College omte lak ah Children Training H/S in ahihhoih pen hi.

Churachandpur District apan Mr. L. Kapzasuan Rayburn College in Arts ah mark 375 mun in Arts Top Ten lak ah tel hi. Aman Geography leh Paite subject ah leng Letter Mark mu hi. Huaiban ah Miss Jammuanching of TG H/S school, Imphal in leng Arts ah 373 marks ana mu in Top Ten lak ah tel hi. Hiaite ban ah, Mercy Chingnunhoih d/o T.S.Thangta, Rayburn College, New Lamka Churachandpur in HSE 2011 XII ARTS ah Top20 lak ah 3na in ana pang hi. Miss Chinnunnem Haokip of HM H/S in Science ah mark 401 mu in Top 20 lak ah ana telpha hi.

Nianglun d/o G.Gin Zadal, Rayburn College, New Lamka Churachandpur in Manipur HSE 2011 XII Paite(MIL) ah 100 lak ah 94 mu, Hannah lal thanieng d/o John F Lalroeng Sielmat Christian HR.Sec Sielmat Churachandpur,C. Zaithangmawi d/o L Malsawma Sielmat Christian HR. SEC.School,Churachandpur & Lalhrietsung Sanate s/o Ramnunsiem Sanate Sielmat Christian HR. SEC.School, Churachandpur. in Hmar(MIL) ah 100 lakah 91 ana mu, Lalremruata s/o Lalngaihzuala V.K. Tawna College, Lamka Churachandpur in Mizo(MIL) ah 100 lak ah 82 ana mu, Joseph Touthang s/o Thongkholet Touthang T. Young Pillars College, Churachandpur in Thadou Kuki(MIL) ah 100 lak ah 91 ana mu, Niangsonngai d/o Henginlian V.K. Tawna College, Lamka Churachandpur in Vaiphei(MIL) ah 100 lak ah 79 ana mu a huai ban ah T. John Suanlianthang s/o T. Edward Kailam Rayburn College, New Lamka Churachandpur in Zou ah 100 lak ah 90 ana mu hi.