District sung a Dawr bawl peuhmah in Vanman teng takkhe ding in Churachandpur Consumers Club in theihsakna bawl
Churachandpur Consumers Club in tuni'a thusuah a bawlna uah, K Thansang MCS Additional Deputy Commissioner makaih a 
December ni 31,2010 a District Administration, CAF and PD Department leh Consumers Club in Joint Meeting neihna a thupukna dungzui in District sung a Dawr bawl peuhmah in vanman teng a list a bawl in mahni Dawr chiat ah February tarik 28,2011 tan a takkhe vek ding in theihsakna bawl uhi. Hiai theisakna zuilou Dawr bawl peuhmah tung ah Consumers Club in kilawm a sak bang in Action lading a Dawr neitu in a mohteng a paw ding chi'n thusuahna ah taklang uhi.
Village Defence Force Verification bawl ding mi 49 in samlai.
Churachandpur District sung a Village Defence Force VDF ding mi 554 lak ah mi 505 te Verification bawlzouta ua,mi 49 te verification bawl in omlai uhi. Hiai mi 49 te ahihleh Churachandpur District sung mi himahle uh, Police Jurisdiction ah Bishenpur District in huamkha hi. Huai te Kumbi apan mi 29,Moirang apan mi 7, Loktak apan mi 10 leh Babupara apan mi 3 hi uhi.Verification zohsiang ahihchiang in appointment piaktheih ding in gen uhi.
Bishenpur ah Inter District Youth Exchange Programme kipan.
Bishenpur District ah tuni'n Inter District Youth Exchange Programme kipan hi. Huai a telding in Churachndpur District sung a Youth Centre 21 apan a mi bangzah hiam kuan uhi. Bishenpur leh Churachandpur District a Youth Centre tuamtuam apan tuailai 30 val tel uhi.
Council fo Higher Secondary Education Manipur saina in March ni 16,2011 in Class 12 Final Examination kipan ding.
Council of Higher Secondary Education Manipur saina in March ni 16,2011 in Class 12 Final Examination kipan ding hi.Churachandpur Govt.College ah VK Tawna College,Children Training Higher Secondary School,Vision Academy,Young Pillar College,Sielmat Christian Higher Secondary School leh Churachandpur Govt.College apan candidate te Exam ding ua, Lamka College ah Rayburn College,Ebenezer Academy leh Bethany Christian College apan Candidate te exam ding uhi.
Old Secretariat ah Disaster Management Act tawh kisai in Meeting omding.
Disaster Management Act tawh kisai in zingchiang in Old Secretariat Imphal ah Meeting omding hi.Huai ah Churachandpur District apan Jacintha Lazarus IAS DC lamka,K Thansang Additional Deputy Commissioner leh Khaikhopau Branch Officer Headquater telding uhi.Hiai Meeting ahihleh Commissioner Relief and Disaster in makaih ding hi.
ZEO leh ADCC nuai a School Headmaster leh Headmistress ban ah Village Education Committee Meeting kipan.
Zonal Edcation Officer leh Autonomous District Council Churachandpur nuai a Headmaster leh Headmistress banah Village Education Committee leh School management and Development Committee in tuni apan in Synod Hall IB road ah Meeting nei uhi. Zonal Education Officer leh District Council nuai a Primary School thuneitu te'n tuni in meeting nei ua, Zonal Education Officer nuai a Upper Primary apan Higher Secondary School tan a thuneitu te'n zingchiang in Meeting neinawn ding uhi.hiai Meeting ah Right to Education Act.2009 tawh kituak a School Committee bawl khiak dingdan leh Data Capture Format Social Audit bawl dingdan leh thu poimoh tuamtuam genkhawm uhi.
District Blindness Control Society in Free Cataract Eye Camp nei
District Blindness Control Society Churachandpur in tuni a pan mun tuamtuam ah Free Cataract Eye Camp neih uhi.Tuni sunma dak 10 in lamka Damdawi inn a Eye OPD ah Free Cararact Eye Camp nei masa uhi.feb.ni,9,2011 sunma dak 10 in Khoirentak IRCS Camp ah neinawn ding ua.Feb.ni,21,2011 sunma dak 10 in Bethesda Nursing School Mualvaiphei ah neiding ua,feb.ni,27,2011in Thanlon Area a Leijangphai khua ah neiding uhi.Hiai hun ah Mitlai mungou neite ki-etsak theih ding hi.
Vualphaloute School ding The Malsawm Initiative School lamna kipan.
Centre for Community Initiative in naupang vualphaloute siamsinna ding in School khat The Malsawm Initiative kichi patkhiak sawm in tun Lalpuithuaii Foundation School ground ah School ding bawl panta uhi. Lalpuithuaii Foundation School Founder Vunglallian in School lamna munding thoh in a School leng aman bawlsak zawmah hi. Hiai the Malsawm Initiative a kaiding vualphalou naupang te Nu-le-Pa te leh miphatuamngai bangzah hiam in tunin School munding ah social work nei uhi.The Malsawm Initiative ah naupang vualphalou 15 School kaiding uhi.
Churachandpur Govt. College a Geography Student te S. Munhoih khua ah Practical Field Survey in kuan.
Churachandpur Govt.College a Geography Department a Student te tuni'n Singngat Sub-Division sung a S. Munhoih khua ah Practical Field Study leh Survey in kuan uhi. Amau zankhat giak ding ua zingchiang in hongtung ding uhi.Survey team te Dr. Lalzagou Head of Department of geography Churachandpur Govt. College in makaih hi.
Ngathal Youth Club Music Project Hmuia Veng ah Free Music Class regular tak in kipan nawnta.
Guiter,Drum,Bass leh Vocal sinnuam peuhmah in a thon in ziltheih ding hi.
Kimthianmawi (19) D/o S Thangkhangin of Simveng zan sunnung dak 3;30 vel in Simveng ah Activa a tailai Bike tawh kiphukha in alu nasa a tun Lamka Damdawi inn ah etkol in ommlel hi.